Real Madridi i Carlo Ancelottit humbi një finale dhe ky është një lajm në vetvete, por humbja e “Los Blancos” në Sevilje ndaj Barcelonës mund të mbahet mend në të ardhmen si një ndeshje historike: finalja e fundit për trajnerin italian Carlo Ancelotti në pankinë, që me kalimin e viteve e ka bërë të fitojë një vend në historinë e lavdisë së Real Madridit. Pasi e nisën sezonin duke fituar Superkupën e Europës dhe ngritjen e Kupës së Botës për Klube, katalanasit shënuan arritjen e dytë të dështuar për Ancelottin, tashmë i destinuar për t’i dhënë lamtumirën “Los Blancos”.
Trajneri italian, shkruan The Athletic, ka marrë vendimin e tij: pesë ndeshje të mbetura (përfshirë edhe një El Clasico) në La Liga dhe më pas do të jetë lamtumirë. Asnjë Botëror për Klube atëherë, me zgjedhjen e komunikuar tashmë në dhomat e zhveshjes. Ancelotti ka pranuar ofertën e Brazilit e cila prej disa kohësh po kërkon një marrëveshje. Në këtë kohë, një emisar i kombëtares braziliane, një farë Diego Fernandes, thuhet se ndodhet në Madrid për një marrëveshje përfundimtare. Një marrëveshje që nuk duhet të zgjasë shumë, pavarësisht synimit të amerikano-jugorëve për ta nënshkruar deri në vitin 2030. Për Ancelottin do të ishte hera e parë në stolin e një ekipi kombëtar, një mision magjepsës absolut për të rikthyer Brazilin të jetë sërish në majën e botës dhe në të njëjtën kohë për të vazhduar të trajnojë Vinicius Jr., i cili me të u shndërrua në një superyll botëror.
