Një ish-zyrtari i lartë meksikan kundër drogës dhe ish-ministri i Sigurisë Publike, Genaro Garcia Luna u dënua të mërkurën në mbrëmje, më 16 tetor në Nju Jork me 38 vjet burg për trafik droge dhe korrupsion, njoftoi sistemi federal i drejtësisë amerikane.
Garcia Luna, i cili u shpall fajtor në shkurt të vitit 2023 dhe që atëherë ishte në pritje të dënimit, u dënua me 460 muaj burg dhe një gjobë prej dy milionë dollarësh pasi kishte ndihmuar për një dekadë kartelin e frikshëm meksikan të drogës Sinaloa, duke marrë miliona dollarë ryshfet, njoftoi në një deklaratë zyra e prokurorit federal të Bruklinit.
Garcia Luna ka qenë politikani meksikan i rangut më të lartë që ka shkelur ndonjëherë në një gjykatë amerikane.
Ai është gjithashtu zyrtari i parë i lartë që vuan dënimin në një burg amerikan.
