Policia e Parisit ka njoftuar se 4000 oficerë dhe 1600 pjesëtarë staf i stadiumit do të angazhohen për ndeshjen e futbollit Francë-Izrael, për të garantuar sigurinë brenda dhe përreth stadiumit dhe në transportin publik.
Ndeshja e së enjtes do të vijë një javë pasi shpërtheu dhuna kundër tifozëve izraelitë në Amsterdam.
Shefi i policisë së Parisit, Laurent Nunez, tha se “do të ketë një perimetër sigurie kundër terrorizmit rreth stadiumit” dhe se kontrollet e sigurisë do të “forcohen”.
Javën e kaluar, pas një ndeshje futbolli në Amsterdam, tifozët izraelitë u sulmuan nga një mori të rinjsh të nxitur me sa duket nga thirrjet në mediat sociale.
