George Russell dominon Grand Prix të Las Vegas, i nisur nga ‘pole’, Lewis Hamilton kompleton dyshen e makinave Mercedes, me një rikthim të madh nga rreshti i pestë në start.
Ndërkohë piloti Max Verstappen fiton titullin e kampionit të botës për herë të katërt, duke përfunduar i pesti pas dy Ferrari. I treti në podium u ngjit Carlos Sainz, ndërsa në vendin e katërt erdhi Charles Leclerc.
Lando Norris nuk shkoi përtej vendit të gjashtë, përpara shokut të tij të skuadrës Oscar Piastri në vijën e finishit. Ferrari fiton terren në McLaren në garën për titullin e konstruktorëve.
