Bashkimi Europian e përshëndeti mbajtjen e zgjedhjeve në Kosovë në një atmosferë të qetë, ndërsa procesi duket ka qenë përgjithësisht i rregullt, me qytetarët që patën mundësinë të shprehin lirisht vullnetin e tyre.
Zëdhënësja e bllokut për politikën e jashtme dhe sigurinë, Anitta Hipper, sqaroi se misioni vëzhguar i BE-së i vendosur në Kosovë, është formuar me vendimin e shefes së diplomacisë, Kaja Kallas.
Përveç vëzhguesve nga BE-ja, zgjedhjet u monitoruan edhe nga vëzhguesit vendorë, që thanë se ato kaluan pa incidente serioze, edhe pse me disa parregullsi. Kështu, vetëm pak orë pas përfundimit të votimit, ku KQZ do të duhej të dilte me rezultatet paraprake pati një dështim të sistemit elektronik të shfaqjes së të dhënave dhe sipas kryetarit të saj, Kreshnik Radoniqi, ata u detyruan që votat t’i numëronin në mënyrë manuale.
Marrë nga Gazeta-shqip.com
