Numri i viktimave ka shkuar në dy, pas aksidentit të rëndë të ndodhur një ditë më parë në rrugën e Shëngjinit.
Sipas burimeve ka ndërruar jetë në spitalin e Traumës edhe bashkëshortja e 30-vjeçarit Paulin Zefi, shtetësja Zhaklina Hysa 40-vjeçe.
Ajo nuk mundi të mbijetojë nga plagët e marra dhe gjeti vdekjen në spitalin e Traumës në Tiranë. Sipas të dhënave paraprake bëhet me dije se aksidenti ka ndodhur për shkak të shpejtësisë dhe lagështirës në rrugë.
