Greva paralajmëruese 24-orëshe ka bllokuar aeroportet ndërkombëtare të Këlnit dhe Duseldorfit në shtetin gjerman të Rhine-Westfalisë. Kjo ka shkaktuar anulimin e fluturimeve dhe vonesa të mundshme për pasagjerët që kishin planifikuar të udhëtonin nga këto aeroporte.
Në Aeroportin Këln-Bon, greva ka filluar të dielën në mbrëmje, duke shkaktuar anulimin e 106 fluturimeve nga gjithsej 168 të planifikuara. Pjesa tjetër e fluturimeve mund të hasë vonesa ose devijime. Aeroporti ka kërkuar që pasagjerët të kontrollojnë statusin e fluturimeve të tyre me kompanitë ajrore ose operatorët turistikë përpara udhëtimit.
Në Aeroportin e Duseldorfit, greva ka filluar mëngjesin e sotëm në orën 3:00 dhe është njoftuar se një e treta e 334 fluturimeve do të anulohet. Po ashtu, pasagjerët janë këshilluar të kontrollojnë fluturimet e tyre para se të nisen për në aeroport.
