Ditën e sotme do të hapet tuneli i Llogorasë, i cili ka një gjatësi prej 5.9 kilometrash.
Ky tunel do të jetë me pagesë, por tarifimi do të fillojë në vitin 2025.
Lajmin e ka bërë të ditur zv.kryeministrja, njëherësh ministrja e Infrastrukturës, Belinda Balluku e cila tha në një intervistë televizive:
“Tuneli i Llogarasë do ketë një shpejtësi rreth 80 km në orë, ka edhe kthesa. Tunelët e kanë shumë të vogël limitin mbi shpejtësi. Në tunel është e patolerueshme sepse mund të krijojë aksidente, ndërsa nuk lejohen parakalimet. Tuneli i Llogarasë është një vepër me pagesë, pasi do të ketë një mirëmbajtje me kosto të larta. Përllogaritet diku të 5 euro, por bëhet fjalë për vitin e ardhshëm, jo për këtë vit”, theksoi Balluku
