Kuqezinjtë u rikthyen në Tiranë mbrëmjen e së shtunës pas një seance të lehtë stërvitore që zhvilluan në Londër përpara se të niseshin me pjesën e lojtarëve që luajtën të gjithë ndeshjen e pare të veçuar dhe lojtarët e tjerë në një seancë të plotë.
Sa i përket formacionit të mundshëm, trajneri këtë here ndryshe nga ndeshja në Wembley, do të ketë detyra më sulmuese për lojtarët, ndërkohë që pritet të startojë nga formacioni bazë Armando Broja, Ernest Muçi dhe minuta më tepër për Arbër Hoxhën apo Medon Berishën në mesfushë, si për të korrigjuar një lojë jo të mirë të Ramadanit në mesfushë.
Gjithsesi, një ndeshje si kjo, ndaj një kundërshtari ku ne duhet të marrim përsipër frenat e lojës dhe të kontrollojmë gjithçka rëndësi shumë të madhe do të ketë edhe publiku, i cili pritet të jetë i shumtë në debutimin e kuqezinjve në Tiranë për këto eliminatore. Deri më tani, janë rreth 15 mijë bileta të shitura ndërkohë që të gjithë të tjerët do të kenë mundësinë ta ndjekin këtë ndeshje si gjithmonë drejtpërdrejtë në DigitAlb, duke filluar nga ora 20:45.
Marrë nga Top Channel
