Pas dëborës, sot temperaturat në mëngjes në Kukës kanë zbritur në minus 4 gradë celsius, pa shkaktuar probleme në qarkullimin e mjeteve, raporton korrespondenti i Top Channel Bekim Lekica.
Reshjet e borës në lartësi mbi 600 metër kanë shkuar deri në 20 cm. Luhatja e temperaturave shoqëruar me dëborë e ngrica mendohet të ketë shkaktuar mjaft probleme në frutikultur.
Korçë:
Në Qarkun e Korçës, gjatë ditës së djeshme dhe natës ka pasur reshje dëbore me intensitet deri mesatar në të gjithë territorin të shoqëruar dhe me erë, trashësia e dëborës varion 10 deri 25 cm në zonat malore.
Nisur nga situata e krijuar, subjektet kontraktore kanë qenë në gatishmëri duke kriposur dhe mirëmbajtur akset kryesore nacionale e turistike, për rrjedhojë është mundësuar qarkullimi normal dhe pa probleme në këto akse.
Nga bashkitë vazhdon puna për hapjen e rrugëve dytësore e lidhëse dhe të shesheve në qendrat e qyteteve, nga ana e tyre nuk raportohen problematika.
Si rezultat e erës ka ndërprerje të përkohshme të energjisë elektrike në Njësinë Administrative Udënisht e Buçimas, Bashkia Pogradec, fshati Orman-Çiflig, Njësia Admin. Bulgarec dhe fshati Dardhë në njësinë administrative Mollaj, si dhe në fshatrat Dolenac, Mjaltas, Besmirë të njësisë administrative Gorë, Bashkia Maliq. Pa energji elektrike janë edhe 12 fshatrat e njësisë administrative Proptisht të cilët marrin energji elektrike nga Përrenjas.
Grupet e punës janë në terren për riparimin defekteve.
Institucioni i Prefektit dhe strukturat e EC janë duke e monitoruar situatën.
Shkodër:
Situata në territorin e qarkut të Shkodrës është si më poshtë:
Nga Komisariati i Policisë Pukë, në disa segmente të rrugës së Iballës, situata paraqitet e rënduar për shkak të sasive të mëdha të dëborës në rrugë.
Nga Bashkia Shkodër, nuk raportohen probleme momentalisht. Aktualisht, rruga Bogë – Theth është e hapur.
Nga Bashkia Malësi e Madhe, nuk raportohen probleme të EC.
Nga Bashkia Vau i Dejës, nuk raportohen probleme të EC.
Nga Bashkia Fushë Arrëz, në territorin e bashkisë reshjet e dëborës kanë pushuar dhe trashësia e saj kalon 30 cm.
Rrugët nacionale janë të hapura dhe qarkullimi kryhet për automjete të pajisura me zinxhirë.
Në rrugët rurale po punohet për pastrimin dhe kthimin e tyre në normalitet.
Nga Bashkia Pukë, nuk raportohen probleme të EC. Trashësia e dëborës në këtë bashki arrin rreth 5 cm, momentalisht rrugët janë të hapura.
Në këtë version, kam bërë disa korrigjime të vogla për përputhshmërinë me rregullat e drejtshkrimit dhe stilit të duhur.
Dibër:
Reshjet e dëborës, ngrica në rrugë!
Reshjet e dëborës të cilat nisën pasditen e djeshme, sot kanë lënë vendin ngricave dhe temperaturave të ulëta në rrugë, si dhe mund të sjellin dëme në frutikulturë dhe në bujqësi. Aktualisht, në disa segmente ka ngrica në rrugët nacionale, si dhe ato rurale.
Sa i përket akseve të rrugëve nacionale, Bulqizë-Peshkopi, Bulqizë-Tiranë janë të gjitha të kalueshme. Probleme ka patur në rrugët që lidhin Lagjen e Re me atë Vjetër, si dhe rrugët brenda qytetit të Bulqizës për shkak të ngricave.
Për shkak të reshjeve gjatë natës, në aksin rrugor Klos-Tiranë, drejtuesi i një mjeti ka dalë nga rruga dhe për pasojë janë plagosur drejtuesi i mjetit, si dhe tre pasagjerët që udhëtonin në atë makinë, të cilët ndodhen në spitalin e traumës në Tiranë.
Sa i përket rrethinës së Matit, situata është normalizuar dhe nuk raportohet për dëmtime në frutikulturë dhe bujqësi.
Marrë nga Top Channel
