Të gjithë e kanë provuar njëherë Birra “Stela”, dhe gjithmonë e kanë lidhur me kompaninë Stefani & Co. Por tani kompania është blerë nga Dritan Bellaj, një biznesmen i fuqishëm në industrinë ushqimore në vend me kompaninë e tij Eurolab.
Bellaj e ka blerë kompaninë për 10 milionë euro. Ngjarja e madhe ekonomike ka kaluar pa shumë bujë, por vjen në një moment ku sektori i birrës lokale përballet me taksa të papërballueshme sipas tyre nga shteti dhe favorizim të birrës së importit.
Bellaj, që ka mbajtur një profil të ulët mediatik, duket se e ka shtrirë kompaninë e tij në tregjet e vendeve të rajonit dhe pak kohë më parë është pajisur nga qeveria shqiptare me “pasaportën ekonomike diplomatike” siç konsiderohet statusi i marrë nga ministria e financave për Operatorët ekonomik të autorizuar.
Birra Stela është themeluar nga familja Pinguli dhe pikërisht mban emrin e vajzës së familjes. Kompania mëmë vendosi të ndryshonte pronësinë duke shitur aksionet që në tetorin e vitit të kaluar sipas dokumentave në qendrën e biznesit.
Eurolab është një kompani e themeluar në 1995 dhe merret me importin e shpërndarjes së mallrave ushqimore.
Tregu i kompanisë është zgjeruar përveç Shqipërisë në Kosovë, Mal të zi, Maqedoni, Bosnje – Hercegovinë, Serbi, Kroaci, Greqi dhe Qipro.
Marrë nga Newsbomb.al
