Presidenti i Emirateve të Bashkuara Arabe, Sheikh Mohammed Bin Zayed Al Nahyan, ka thënë të enjten se vendi i tij do të investojë rreth 1.4 trilionë dollarë në Shtetet e Bashkuara të Amerikës, gjatë dhjetë vjetëve të ardhshme, si pjesë e marrëdhënieve sipas tij, të shkëlqyeshme midis dy vendeve që nga rikthimi në pushtet i presidentit amerikan, Donald Trump.
Trumpi mbërriti të enjten në Emiratet e Bashkuara Arabe në kuadër të udhëtimit të tij të parë jashtë vendit.
Aeroplani presidencial “Air Force One” u shoqërua nga avionë luftarakë në hapësirën ajrore të vendit, njësoj siç ndodhi në ndalesat e tij në Arabinë Saudite dhe Katar.
Gjatë qëndrimit të tij atje, Trumpi vizitoi xhaminë Sheikh Zayed — një nga xhamitë më të mëdha në botë.
Marrë nga Associated Press
