Kryetari i Grupit Demokrat Gazment Bardhi ka deklaruar se ka depozituar në Kuvend kërkesën për shkarkim të Bajram Begajt si President.
Në një deklaratë për mediat nga kryesia e Kuvendit, Bardhi u shpreh se Begaj nuk mund të vazhdojë më të jetë president, sepse ka bërë shkelje të rënda të Kushtetutës.
Sipas Bardhit, Begaj ka konsumuar 7 shkelje të rënda të Kushtetutës, duke i renditur disa prej tyre.
Sipas PD-së, kërkesa është argumentuar gjerësisht në një material voluminoz, ku janë analizuar provat përkatëse të të gjitha shkeljeve të kryera nga presidenti.
PD thekson se këto shkelje kanë cenuar rendin kushtetues dhe kanë goditur funksionin e kryetarit të shtetit si përfaqësues i unitetit të popullit.
Begaj ka dekretuar zgjedhje të pjesshme vendore pa u krijuar vakanca kushtetuese, duke ndërhyrë në autonominë e pushtetit vendor dhe duke tentuar të kufizojë kompetencat e Gjykatës Kushtetuese.
Marrë nga Dosja.al
