Dy viktimat e ngjarjes së rëndë të ndodhur rreth orës 01:45 të mëngjesit të sotëm (22 tetor 2025) pranë një karburanti në Manëz të Durrësit, janë: Flori Paluçi, 33 vjeç dhe Aranit Kurti, 23 vjeç, të dy banues në Manëz.
Debati ka nisur për ekspresin e kafesë që ishte i fikur.
Dy të rinj Daniel Pepa 21 vjeç dhe Arianit Kurti 23 vjeç rreth orës 1:45 kanë hyrë në një lokal ku kanë kërkuar t’u shërbehej kafe.
Kamarieri i lokalit Alteo Pepa u ka thënë se nuk shërbej kafe pasi në atë orar është ekspresi i fikur dhe këtu ka nisur debati verbal me Daniel Pepës dhe kamarierit, i cili është ofenduar me fjalë të rënda nga Pepa.
Në këtë momente në konflikt me Daniel Pepën dhe Arianit Kurtin është përfshirë dhe 33 vjeçari Florian Paluçi që ka dalë në mbrojtje të kamerierit, pasi ishte në tavolinë me këtë.
Në debat e sipër që ka vijuar jashtë lokalit Florian Paluçi ka nxjerrë armen dhe ka qëlluar në drejtim të Arianit Kurtin, duke e lënë të vdekur në vend, teksa shoku i Arianitit, Danieli ka marrë armën dhe ka qëlluar ndaj Florian Paluçit, duke e lënë të vrarë.
Danieli Pepa është larguar pas këtij krimi të rëndë, teksa Policia dhe Prokuroria kanë zbarkuar në vendngjarje dhe kanë nisur hetimet.
Kamerieri i lokalit Aleto Pepa ka rrëfyer për oficerët e Policisë gjyqësore dinamikën e konfliktit të rëndë që u mbyll me dy të vdekur.
“Ishte ora rreth 1:45 në momentin e ngjarjes ishin 5 persona, Daniel Pepa hyri i pari në lokal me shokun e tij dhe më kërkoi kafe, eksperesi ishte i fikur dhe ju thashë që nuk shërbejmë kafe në këtë orë. Ai më ktheu se dua kafe patjetër dhe filloi të më fyente me fjalë të rënda. Nuk e vazhdova më bisedën por ndërhyri Flori Paluçi për të më mbrojtur mua, Flori është banor i zonës dhe klient i lokalit, pra e njoh. Aty filloi konflikti fizik mes tyre, dhe dolën përjashta lokalit për ta vazhduar konfliktin”
Për këtë ngjarje janë shoqëruar në polici 5 persona të cilët po japin dëshmitë e tyre.
Marrë nga Syri.net
