Pavarësisht njoftimit të Policisë Kufitare të Kakavijës për ndalimin e qarkullimit të mjeteve gjatë orës 06:00-10:00, në këtë pikë kufitare sërish u regjistrua një numër i konsiderueshëm automjetesh që prisnin në radhë për kalimin e kufirit.
Shumë udhëtarë janë shprehur se nuk ishin në dijeni për grevën që po zhvillohet sot në doganën greke. Ndërkohë, nuk mungojnë as rastet kur udhëtarët janë mashtruar nga agjencitë e udhëtimit, të cilat u kanë thënë se lëvizja e autobusëve do të vijonte normalisht.
Greva e doganierëve grekë zhvillohet si pasojë e kërkesave të tyre për rritje page. Në njoftimin e bërë një ditë më parë, Policia Kufitare e Kakavijës theksoi se gjatë orëve të grevës do të lejohen të kalojnë vetëm këmbësorët pa bagazhe dhe automjetet që kanë emergjenca shëndetësore.
Marrë nga Newsbomb.al
