Autoritetet siriane u kanë kërkuar qytetarëve të largohen nga një zonë e kontestuar në qytetin verior të Alepos.
Qeveria e provincës së Alepos u ka dhënë banorëve afat deri në orën 13:00 sipas orës lokale për t’u evakuuar në koordinim me ushtrinë.
Agjencia shtetërore e lajmeve SANA, duke cituar ushtrinë, ka thënë se ushtria do të fillonte “operacione të synuara” kundër Forcave Demokratike Siriane të udhëhequra nga kurdët në lagjet Sheikh Maqsoud, Achrafieh dhe Bani Zaid, gjysmë ore pas këtij afati.
Associated Press ka raportuar për të shtëna sporadike ndërsa civilët dilnin nga zona të enjten në mëngjes.
Që nga e mërkura, më shumë se 46,000 njerëz janë zhvendosur në të gjithë provincën, sipas Drejtorisë së Çështjeve Sociale dhe Punës së Alepos.
Marrë nga AP
