Në javët e fundit, publikimi i dokumenteve të lidhura me dosjet e financierit të ndjerë Jeffrey Epstein ka shkaktuar një valë reagimesh politike në mbarë botën, por me pasoja krejtësisht të ndryshme në ShBA dhe në Britaninë e Madhe. Në Londër, kryeministri britanik Keir Starmer është përballur me një krizë të madhe politike, pasi doli në dritë fakti se ai emëroi Lord Peter Mandelson si ambasador i Mbretërisë së Bashkuar në Washington, pavarësisht lidhjeve të gjithanshme me Epstein. Dokumentet e publikuara nga autoritetet amerikane tregojnë se marrëdhënia mes Mandelson dhe Epstein ishte më intensive dhe më e gjatë se sa u pretendua në fillim, dduke përfshirë edhe ndarjen e informacioneve që kanë shërbyer si bazë për hetime të reja.
Zyrtarë dhe analistë të pavarur politikë kanë kritikuar ashpër procedurat e verifikimit të Mandelson, duke argumentuar se qeveria britanike nuk u kujdes sa duhet për të kuptuar marrëdhënien e ngushtë me Epstein para emërimit të tij. Starmer ka pranuar se diçka ka shkuar keq, duke kërkuar falje ndaj viktimave të abuzimit dhe duke pranuar se ka mbajtur “besimin e tepërt” te shpjegimet e Mandelson. Por, kjo nuk ka qetësuar plotësisht klimën politike brenda partisë së tij.
Për më tepër, skandali ka çuar në dorëheqjen e Mandelson nga Dhoma e Lords dhe debatin mbi mënyrën se si titujt dhe pozicionet e nderit lihen pa mekanizma të qartë përgjegjësie. Hetimet e policisë dhe shqyrtimi i dokumenteve të brendeshme të qeverisë vazhdojnë, ndërsa kritikët e Starmer kërkojnë transparencë totale dhe ndryshime të thella në mënyrën se si zgjidhen përfaqësuesit zyrtarë.
Ndërkohë, në Ëashington, emri i ish presidentit Donald Trump përmendet qindra herë në dokumentet e Epstein. Deri tani nuk ka prova konkrete se ai ka kryer ndonjë veprim penal duke e bërë ndikimin politik të skandalit shumë më të kufizuar në ShBA se sa në Britani. Trump ia ka dalë të shmangë efektet më të rënda politike duke minimizuar publikisht rëndësinë e çështjes, diçka që ka ndihmuar në ruajtjen e nivelit të tij politik pavarësisht reagimeve të medies dhe kritikave të kundërshtarëve.
Analistët politikë vërejnë se kjo ngjarje ka zbuluar dobësitë në sistemet e verifikimit diplomatik dhe ka nxitur debatin publik mbi mënyrën se si figurat me ndikim zgjidhen për postet ndërkombëtare. Pa dyshim një debat që mund të ketë pasoja afatgjata për qeveritë si në Londër, ashtu edhe në Washington.
Marrë nga CNN
