Dy shqiptarë janë arrestuar nga policia holandeze, pasi akuzohen se janë pjesë e një grupi që merret me trafikun e drogës.
Mediat vendase bëjnë me dije se arrestimi i tyre u krye pasi ata u kapën duke nxjerrë kokainën e trafikuar nga një pajisje e sofistikuar.
Bëhet me dije se autoritetet sekuestruan rreth 500 kilogramë kokainë si dhe një armë zjarri.
Droga ishte fshehur në mallra të importuara përmes kompanive të transportit dhe importit të frutave, të cilat shfaqeshin si të ligjshme.
Fitimet nga ky aktivitet i jashtëligjshëm, fshiheshin përmes firmave fiktive.
Kriminelët hapin kompani të ligjshme si mbulim dhe më pas zhvendosen në depo jashtë portit për të nxjerrë drogën nga ngarkesat e importuara.
Marrë nga Telegraaf.nl
