Muaji maj 2026 pritet të shoqërohet me një sërë grevash të njoftuara në Itali, të cilat do të prekin transportin ajror, hekurudhor dhe atë urban, duke krijuar vonesa dhe anulime të mundshme për udhëtarët.
Më 5 maj është paralajmëruar një protestë e taksistëve në Romë, ndërsa në datat 9 dhe 10 maj janë njoftuar ndërprerje në linjat Napoli–Pompei–Sorrento.
Më 11 maj është shpallur një grevë në sektorin e aeroporteve, ndërsa në datat 15 dhe 16 maj janë njoftuar ndërprerje dhe kufizime në transportin publik dhe metronë në Milano.
Gjithashtu, më 20 maj është njoftuar një grevë në transportin hekurudhor në zonën e Napolit, ndërsa në datat 28 dhe 29 maj janë paralajmëruar ndërprerje në rrjetin hekurudhor në nivel kombëtar, si dhe probleme të mundshme në fluturime dhe shërbimet aeroportuale.
Megjithatë, në Itali grevat shpesh zhvillohen në mënyrë të pjesshme, për orare të kufizuara dhe duke garantuar shërbime minimale, çka do të thotë se ndikimi real mund të jetë më i kufizuar se sa pritet.
Autoritetet dhe operatorët e transportit publik publikojnë në mënyrë të vazhdueshme njoftime zyrtare mbi oraret dhe shërbimet që do të preken.
Për këtë arsye, udhëtarët që planifikojnë të udhëtojnë në Itali gjatë muajit maj duhet të verifikojnë informacionin në burime zyrtare përpara nisjes, pasi datat dhe shkalla e ndikimit të grevave mund të ndryshojnë deri në momentet e fundit.
Marrë nga Skyweb.al
