Presidenti i SHBA-së, Donald Trump, shoqërohet gjatë vizitës së tijnga një delegacion ekonomik, në të cilin bëjnë pjesë ndër të tjerë edhe drejtori i Nvidia, Jensen Huang, dhe ai i Teslës, Elon Musk.
Xi Jinping rrallëherë bën deklarata para vizitave. Por këtë herë ai bëri një deklaratë gjatë së cilës lë të kuptohet se në botë ka mjaftueshëm vend si për Kinën, ashtu edhe për SHBA-në.
Lista e çështjeve të debatueshme mes dy vendeve është e gjatë: nga gara për udhëheqje në fushën e teknologjisë, tek mosmarrëveshjet tregtare, e deri te çështja e trajtimit të ishullit demokratik të Tajvanit, të cilin Kina e pretendon si të vetin.
Marrëdhëniet tregtare
Në qendër të bisedimeve janë marrëdhëniet tregtare mes dy ekonomive më të mëdha në botë. Trumpi kërkon qasje më të mirë për kompanitë amerikane në tregun kinez. Në këtë kuadër pritet të diskutohet edhe për lejimin e çipave të fuqishëm të inteligjencës artificiale që prodho Nvidia, si dhe për porosi të mundshme avionësh nga kompania Boeing.
Vitin e kaluar SHBA-ja dhe Kina vendosën ndaj njëra-tjetrës tarifa të larta doganore dhe kontrolle eksporti. Një takim mes Donald Trump dhe Xi Jinping në Korenë e Jugut arriti ta qetësonte përkohësisht situatën. Megjithatë konflikti tregtar është ende larg zgjidhjes.
Tajvani në rendin e ditës
Në agjendë janë gjithashtu edhe tema gjeopolitike, si furnizimet amerikane me armë për Taijanin dhe lufta në Iran.
Kina ka vendosur edhe çështjen e Taiwan në rendin e ditës ta takimit. Qëndrimi i Kinës kundër shitjeve amerikane të armëve për Tajvanin është i pandryshueshëm dhe i qartë, deklaroi zëdhënësi i Ministrisë së Jashtme kineze, Guo Jiakun, në një konferencë për shtyp.
Kjo çështje po bëhet gjithnjë e më urgjente. Parlamenti i Tajvanit miratoi pak ditë më parë një ligj për shpenzimet e mbrojtjes, i cili përfshin edhe blerje armësh nga SHBA-ja. Më herët Donald Trump kishte njoftuar për bisedime për një paketë armësh për Tajvanin me vlerë rreth 11 miliardë dollarë.
Sa i përket Iranit udhëheqja kineze e mohon furnizimin me armë. Megjithatë konsiderohet e sigurt se në Iran shkojnë mallra kineze për përdorim të dyfishtë, pra produkte që mund të përdoren si për qëllime civile, ashtu edhe ushtarake.
Kjo është vizita e dytë shtetërore e Trumpitnë Kinë. Për herë të parë ai ishte në Kinë para nëntë vitesh, në vitin 2017, gjatë mandatit të tij të parë.
Marrë nga DPA.de
