Prodhuesi i famshëm i makinave luksoze Bugatti po zgjerohet shumë përtej botës së automobilave. Kompania po hyn në një nga projektet më tërheqëse amerikane të pasurive të patundshme – ndërtimin e një rrokaqielli luksoz rezidencial në Miami, vlera e të cilit vlerësohet në rreth 650 milionë dollarë.
Projekti i quajtur Bugatti Residences Miami do të ndërtohet përgjatë lumit Miami, pranë lagjes së biznesit Brickell, dhe po zhvillohet nga Prosper Group dhe grupi belg Versluys.
Brandon Haw Architecture është punësuar për arkitekturën e projektit, ndërsa studioja e famshme Yabu Pushelberg do të jetë përgjegjëse për dizajnin e brendshëm. Investitorët paguan afërsisht 50 milionë dollarë për truallin prej 4,000 metrash katrorë.
Projekti i ri do të projektohet sipas filozofisë së markës automobilistike “Art, Formë, Teknikë”, dhe Bugatti njofton se ky koncept do të jetë i pranishëm në arkitekturë, brendësi dhe në të gjithë përvojën e banorëve të ardhshëm.
Një nga karakteristikat e konfirmuara aktualisht është një shërbim privat kamerieri që do të ofrohet nga Rhodium, partneri ekskluziv i projektit.
Detaje të tjera rreth karakteristikave nuk janë njoftuar ende plotësisht.
Marrë nga Excelmiami.com
