Prokuroria e Posaçme (SPAK), në bashkëpunim me Policinë e Shtetit, ka ndërmarrë një aksion për goditjen e një grupi kriminal të dyshuar për kontrabandimin e emigrantëve të paligjshëm.
Bëhet me dije se në kuadër të këtij operacioni, me kërkesë të SPAK dhe me miratimin e GJKKO-së janë arrestuar pesë persona, si të dyshuar të përfshirë në këtë aktivitet kriminal.
Mes tyre janë edhe efektivë të policisë. Ndërkohë Policia dhe BKH kanë ushtruar edhe kontrolle në disa ambiente, që kanë qenë nën zotërim nga personat e arrestuar.
Deri më tani, autoritetet nuk kanë bërë të ditura identitetet e personave ndaj të cilëve janë lëshuar urdhër-arrestet, si dhe rolin që dyshohet se secili prej tyre ka pasur në funksionimin e rrjetit.
Ndërkohë, pritet që në vijim të publikohen detaje të tjera mbi operacionin, personat e përfshirë dhe rezultatet e hetimeve të zhvilluara nga SPAK.
Marrë nga Dosja.al
