Emri i biznesmenit të shumëkërkuar të SPAK, Ermal Beqiri i cili u vu në pranga nga autoritetet franceze është rikthyer sërish në qendër të vëmendjes, pasi mediat e huaja raportojnë se ai ka kërkuar sërish së fundmi lirimin e tij.
Sipas artikullit të publikuar nga gazeta franceze Courrier Picard, vendimi për kërkesën e tij pritet të premten.
Sakaq, në artikullin e publikuar ditën e sotme e cila, mban titullin: “Kështjellë në Oise, 2,1 milionë euro të sekuestruara: shqiptari i pasur i arrestuar në Albert dëshiron të qëndrojë në Francë”, sqarohet se Beqiri ndodhet aktualisht në burgun e Beauvais. Ndërsa bëhet me dije se ai ka kërkuar që të vijojë me qëndrimin e tij në Francë, duke refuzuar që të ekstradohet në Shqipëri.
Siç kemi raportuar dhe në më parë, kujtojmë se Beqiri u vu në pranga nga fundi i muajit korrik nga autoritetet franceze. Ai akuzohet se ai përfitoi tender mbi 1.1 milionë euro pas kërcënimeve që krahu i tij i djathtë Ergys Agasi, i bëri bëri një shoqërie të përfshirë në një prej garave.
Po ashtu hetimet e SPAK të nisura për AKSHI-n zbuluan edhe një jaht luksoz në pronësi të biznesmenit, bëhet fjalë për një jaht të markës predator 50 Skyfall, vlera e të cilit në treg shkon gati 1 milionë euro. Beqiri e kishte vendosur këtë jaht në pronësi të Xhenila Tamizit, punonjëse e kompanisë “Soft & Solutions”, por prokurorët e posaçëm dyshojnë se jahti është blerë nga biznesmeni.
Ndërsa në Francë, emri i tij përmendet për sekuestrimin e pasurive me vlerë 2,1 milionë euro dhe për një kështjellë në departamentin Oise. Sakaq, pritet që të premten e kësaj jave, më 23 tetor, drejtësia franceze të marrë vendimin për Beqirin.
Marrë nga Newsbomb.al
