Data e zgjedhjeve lokale/ Presidenti Begaj kërkon nisjen e konsultimeve me partitë parlamentare, opozita refuzon ftesën

Presidenti i Republikës ka thirrur takim për konsultimet me përfaqësuesit e partive parlamentare për përcaktimin e datës së zgjedhjeve të ardhshme vendore. Takimi i parë është njoftuar në orën 09:00 me kreun e Grupit Parlamentar të Partisë Socialiste, Taulant Balla, ndërsa në orën 11:00 pritet të pritet edhe një përfaqësues i Partisë Socialdemokrate.

Deri më tani, Partia Socialiste nuk ka bërë publike një propozim zyrtar për datën e zgjedhjeve. I pyetur një ditë më parë, Taulant Balla u shpreh se nuk kishte një preferencë konkrete. Megjithatë, në ditët e fundit, disa përfaqësues të lartë të PS-së kanë përmendur si datë të mundshme 9 majin.

Sipas Kushtetutës, zgjedhjet vendore mund të zhvillohen në periudhën 15 prill – 15 maj. Kreu i shtetit ka afat deri më 7 nëntor për të dekretuar datën e zgjedhjeve të ardhshme lokale. Për këtë arsye, pritet që gjatë javës së ardhshme të bëhet publik edhe dekreti presidencial.