Tashmë është zyrtare, ish-futbollisti i njohur italian, Françesko Moriero, ka marrë drejtimin e skuadrës së Laçit. Klubi kurbinas ka bërë edhe zyrtarizimin nëpërmjet faqes zyrtare.
Italiani 55-vjeçar është më i njohur për karrierën e tij si futbollist se sa si trajner. Ai ka veshur fanellat e skuadrave të mëdha të Serisë A, siç janë Roma, Milani dhe Interi e Napoli, përveç Lecces, skuadrës së qytetit të lindjes.
Nuk është hera e parë që Moriero vjen në Shqipëri, ai ka drejtuar për pak muaj Dinamon në Kategorinë e Parë, nga janari deri në mars të vitit 2021.
Kujtojmë që Moriero erdhi te Dinamo bashkë me një tjetër emër të njohur, ish-sulmuesin e Juventusit, Fabricio Mikoli. Ish-sulmuesi i djathtë ka drejtuar po ashtu disa skuadra në nivele të ulëta në Itali, ku më të njohura janë Lecce dhe Catania.