Të shtëna me armë janë raportuar mëngjesin e kësaj të hëne në shkollën e krishterë “Aundant Life” në Madison, të Shteteve të Bashkuara të Amerikës. Departamenti i Policisë në Madison bën me dije se ngjarja ka ndodhur rreth orës 10:57 të mëngjesit.
Policia njoftoi mbyllje të ndryshme të rrugëve dhe u kërkoi njerëzve që të shmangnin zonën. • Autoritetet po vazhdojnë hetimet për të përcaktuar rrethanat e sakta të ngjarjes. Fillimisht policia njoftoi se bëhej fjalë për 5 viktima.
Gjatë një konference më vonë, shefi i policisë ndau një korrigjim duke thënë se numri aktual i viktimave është 3, përfshirë edhe sulmuesin. Gjithsej janë 9 të lënduar, duke përfshirë edhe 3 viktimat.
Autoritetet nuk kanë dhënë detaje shtesë nëse viktimat ishin mësues apo studentë derisa familjet të njoftohen.
