53 persona kanë humbur jetën dhe mijëra të tjerë janë evakuuar në Indonezi pas tërmetit me magnitudë 7.7 ballë që goditi vendin aziatik ditën e djeshme.
Zona e goditur nga tërmeti është shpallur gjendje e jashtëzakonshme dhe qeveria indoneziane ka filluar shpërndarjen e ndihmave.
Kryqi i Kuq dhe Gjysmëhëna e Kuqe thanë se po përgatiteshin të dërgonin ndihmë humanitare në zonat e goditura nga tërmeti.
Zona është në rrezik të lartë sizmik pasi shtrihet në çarjen e kundërt të harkut të pasmë Flores, një sistem i madh çarjesh në pjesën veriore të arkipelagut indonezian që u krijua nga presioni i pllakave tektonike që konvergojnë në zonë.
E njëjta zonë u godit nga një tërmet me magnitudë 7.5 në vitin 1992, i cili shkaktoi dëme të gjera.
Arkipelagu indonezian shtrihet në Unazën e Zjarrit të Paqësorit, një rajon me aktivitet të fortë sizmik.
Në vitin 2004, një tërmet me magnitudë 9.1 ballë goditi Sumatrën, duke shkaktuar një cunami masiv që vrau 170,000 njerëz në Indonezi dhe rreth 50,000 në vendet fqinje.
Deri më sot, kjo mbetet një nga fatkeqësitë natyrore më vdekjeprurëse në histori.
Marrë nga Reuters
