Një tërmet i fortë me magnitudë 5.2 ballë goditi qarkun Liuzhou në rajonin autonom Guangxi Zhuang të Kinës jugore, mëngjesin e kësaj të hëne.
Tërmeti ka sjellë shembjen e disa shtëpive. Lëkundjet e tërmetit u ndjenë jo vetëm në Liuzhou, por edhe në disa zona të mëdha të Guangxi, siç janë qytetet Guilin, Guigang, Wuzhou, Heqi, Nanning dhe Laibin.
Rrjetet lokale raportojnë se dy persona janë nxjerrë të vdekur nga rrënojat e ndërtesave.
Lëkundjet u ndjenë në pjesën më të madhe të provincës Guangxi, me raportime për dëme që vinin nga qytetet Guilin, Guigang, Wuzhou, Heqi, Laibin, si dhe nga kryeqyteti i provincës, Nanning.
Dëmet më të rënda u shënuan në zonën Taiyangchun, e cila ishte shumë afër epiqendrës.
Deri më tani, autoritetet lokale kanë konfirmuar shembjen e plotë të nëntë shtëpive, kryesisht struktura të improvizuara dhe të vendosura pranë rrjetit rrugor, ndërsa shumë ndërtesa të tjera në zonën më të gjerë kanë pësuar çarje serioze, duke rritur frikën e dështimeve strukturore pas tërmetit.
Megjithatë, operacionet e kërkimit vazhdojnë me intensitet të pandërprerë, pasi mbetet e hapur mundësia që edhe njerëz të tjerë të jenë të bllokuar nën rrënoja.
Marrë nga Xinhuabet.com
