Kandidati republikan, Donald Trump ka mbajtur fjalën e tij para mbështetësve të tij ndërsa rezultatet e deritanishme e nxjerrin atë fitues të zgjedhjeve presidenciale 2024. Trump nga Florida u shpreh se pronari i X, Elon Musk është një yll i ri i lindur.
Ai shtoi se Musk kaloi dy javë në Filadelfia dhe në pjesë të ndryshme të Pensilvanisë, duke bërë fushatë për të. Pasi e përshkroi Muskun si një “yll të ri” të Partisë Republikane, Trump vazhdoi të tregonte një histori të gjatë se si dikur e la miliarderin në pritje për 40 minuta, ndërsa ai shikonte një video të një rakete SpaceX.
“Ai është një djalë i mrekullueshëm. Ne ishim ulur së bashku sonte. E dini, ai kaloi dy javë në Filadelfia, në pjesë të ndryshme të Pensilvanisë, duke bërë fushatë,” tha Trump.
