Një udhëheqës i organizatës lokale Hamas në Bregun Perëndimor të pushtuar ka vdekur në paraburgim në Izrael për shkak të përkeqësimit të shpejtë të shëndetit të tij. Kështu deklaroi sot një zyrtar i Autoritetit Palestinez.
Mustafa Muhammad Abu Ara, 63 vjeç, vdiq pasi u transferua në një spital nga burgu Ramon i Izraelit jugor, tha Komiteti Palestinez për Çështjet e të Burgosurve.
“Para arrestimit, ai vuante nga probleme të rënda shëndetësore dhe kërkonte kujdes intensiv mjekësor. Megjithatë, që nga momenti i arrestimit të tij, Sheikh Abu Ara pësoi sulme e të paprecedentë, si të gjithë të burgosurit që nga fillimi i luftës së shfarosjes”, u ankua komisioni.
Abu Ara, i cili u arrestua në tetor, u torturua dhe u privua nga trajtimi mjekësor, sipas të njëjtit burim. Autoritetet izraelite nuk i janë përgjigjur ankesës. Të paktën 18 palestinezë kanë vdekur në burgjet izraelite që nga shpërthimi i luftës në Rripin e Gazës më 7 tetor, tha Unioni i të Burgosurve Palestinez muajin e kaluar.
