Kush e di se çfarë do të kishte ndodhur më 22 nëntor 1963, ditën e vrasjes së John Fitzgerald Kennedy, nëse rrjetet sociale do të kishin ekzistuar. Është e natyrshme që pyesim pasi sheh në internet, një furtunë të menjëhershme të teorive konspirative dhe dezinformatave të lidhura me sulmin ndaj Donald Trump gjatë një mitingu në Pensilvani pasditen e 13 korrikut (natën vonë në Shqipëri). Që bëhej fjalë për një atentat të mbetur në tentativë u sqarua nga policia dhe pas kontrolleve fillestare edhe nga shtypi amerikan. FBI ka konfirmuar identitetin e sulmuesit, 20-vjeçarin Thomas Matthew Crooks.
Disa raportime, që u atribuohen përkrahësve politikë të krahut të majtë dhe të analizuara nga Washington Post, flisnin për një “operacion të flamurit të rremë”, pra një operacion i sajuar nga mbështetësit e Trump. Kjo do të thotë se ata po e bëjnë ish-presidentin dhe kandidatin republikan për Shtëpinë e Bardhë të duket si martir duke përdorur një gjest ekstrem siç është sulmi.
Në anën e tjetër, në të djathtë, ka nga ata që përkundrazi kanë vënë në dukje Joe Biden si “nxitës” të atentatit për të fituar një avantazh politik, tani që ai ka mbetur prapa në sondazhe. Ajo që po rindez teoritë më ekstreme të konspiracionit, pretendojnë disa ekspertë të cituar nga gazeta amerikane, është klima e polarizimit që ka zënë rrënjë brenda vendit dhe që po shtyn një segment të shoqërisë të përqafojë “realitetet alternative”.
Një nga hashtag që u shfaq në X ishte #stage, për të nënvizuar se ajo ishte një ngjarje e inskenuar. Burimet e këtyre teorive janë, si gjithmonë në këto raste, të dyshimta.
Veshi dhe fytyra e përgjakur e Trump ndezi mbështetëst e krahut të djathtë, ashtu edhe disa përfaqësues të partisë republikane. Mike Collins, një anëtar i krahut të djathtë të Kongresit – një politikan që prezantohet në biografinë e tij se është një “nxitëspër të vrarë”. Media sociale X është një nga vendet ku lajmet e rreme qarkullojnë më shpejt, së bashku me Truth dhe Parler, të preferuarit e bazës republikane. Vetë Elon Musk, konsiderohet si babai i jo fansave të “komunistëve”.
Në TikTok, një llogari e quajtur @theoldermillenial.1, e ndjekur nga mbi 1 milion njerëz, shkon më tej: “Meqenëse çështjet gjyqësore të Trump nuk po shkonin aq mirë, ata vendosën (demokratët) të provonin një rrugë tjetër. Djema, mos harroni, kjo është ajo që e majta është në gjendje të bëjë”.
Natyrisht, nuk mungojnë teitë oëe “deep state”, shtetin e thellë që ndikon dhe dikton axhendën politike të një vendi, fuqinë e nëndheshme që qytetarët nuk e shohin. Në X, një llogari anonime, por e verifikuar (Hija e Ezrës) shkruan se “The Deep State tentoi të vriste Donald Trumpin drejtpërdrejt në televizion”.
Marjorie Taylor Greene, figurë e diskutueshme e republikanëve (në vitin 2022 u bë anëtarja e parë e Kongresit të SHBA që iu bllokua llogaria e saj personale në Tëitter për përhapjen e dezinformatave në lidhje me Covid) shpërndau shumë komente mbi mediat “komuniste amerikane” dhe nuk foli menjëherë për një sulm, duke këmbëngulur në pikën që demokratët dhe Joe Biden sipas saj, duan të heqin qafe rivalin e tyre politik në çdo mënyrë.
Në rrjetet sociale ka edhe pretendime se sulmuesi ishte një anëtar i së majtës ekstreme, i lëvizjes militante Antifa. Asnjë nga postimet e shqyrtuara nga gazetat kryesore amerikane, duke përfshirë Neë York Times, nuk dha prova që vërtetonin vërtetësinë e pretendimeve të tyre.
