Argjentina fitoi Copa America, pasi mposhti Kolumbisë (1-0, ap) të dielën (mëngjesin e të hënës) në Miami, falë golit të Lautaro Martinez në minutën e 112-të. Kësisoj, albicelestët ruajtën titullin e fituar në 2021.
Ndeshja nisi me më shumë se, një orë e njëzet minuta vonesë, pas incidenteve para stadiumit. Lionel Messi doli nga ndeshja me një dëmtim në kyçin e këmbës në minutën e 66-të, dhe nuk i përmbajti dot lotët e tij, një herë në stol, para se të buzëqeshte sërish, pas suksesit të skuadrës së tij.
Për anësorin Angel Di Maria kjo ishte ndeshja e fundit me kombëtaren e Argjentinës, lajm të cilin e kishte bërë me dije vetë sulmuesi para kësaj finaleje.
