Komisioni Evropian pritet të paraqesë sot një paketë masash për të ulur taksat e energjisë elektrike dhe të koordinojë mbushjen e rezervave të gazit gjatë verës, në përpjekje për të zbutur ndikimin e krizës.
Sipas draft-propozimeve, BE do të shmangë ndërhyrjet e mëdha në treg, si vendosja e tavaneve për çmimet e gazit apo taksimi i fitimeve të jashtëzakonshme të kompanive energjetike, masa që u përdorën në vitin 2022 pas ndërprerjes së furnizimeve nga Rusia.
Në vend të kësaj, Komisioni planifikon të frenojë rregullat tatimore të BE-së për të favorizuar energjinë elektrike mbi naftën dhe gazin, dhe ta bëjë më të lehtë që qeveritë të ulin taksat e energjisë elektrike të industrive në zero. BE-ja do të ndërhyjë gjithashtu për të koordinuar përpjekjet e vendeve për të mbushur rezervat e gazit në muajt e ardhshëm dhe do të ofrojë udhëzime se si qeveritë duhet të trajtojnë mungesat e mundshme të karburantit për avionët.
Kriza u shfaq dukshëm, që ku kur u mbyll Ngushtica e Hormuzit, një rrugë jetësore e transportit të karburantit dhe Irani filloi të sulmonte infrastrukturën energjetike në Lindjen e Mesme. Çmimi bazë i gazit në Evropë të martën ishte afërsisht një e treta më i lartë se para fillimit të luftës SHBA-Izrael me Iranin më 28 shkurt.
Megjithatë, furnizuesit më të mëdhenj të naftës dhe gazit në BE, SHBA-të dhe Norvegjia janë jashtë Lindjes së Mesme, dhe kriza e Iranit nuk ka shkaktuar ende mungesa të karburantit në Evropë. Megjithatë, linjat ajrore kanë paralajmëruar se mungesa e karburantit për avionët mund të shfaqet brenda disa javësh.
Zyrtarët e BE-së i thanë Reuters se reagimi i bllokut pasqyron faktin se qeveritë kombëtare, në vend të Brukselit po e menaxhojnë situatën. Elisabetta Cornago, ndihmësdrejtoreshë në Qendrën për Reformën Evropiane, tha se mbyllja e vazhdueshme e Ngushticës së Hormuzit mund të çojë në një tronditje më të keqe në lidhje me naftën.
Marrë nga Reuters
