Detaje të reja janë zbardhur nga vrasja e ndodhur mbrëmjen e kaluar në Memaliaj, ku viktimë mbeti 30-vjeçarit Endri Goxhaj, i njohur si “Supe”. Ngjarja dyshohet se nuk ka qenë një krim i çastit, por një atentat i mirëorganizuar.
Viktima është ndjekur në mënyrë të vazhdueshme në rutinën e tij të përditshme, deri në momentin e ekzekutimit. Gjithashtu janë marrë në pyetje disa persona rrëfimi, i të cilëve mbahet sekret. “Supe” është qëlluar me armë nga 29-vjeçari Donald Nela, i cili pas ngjarjes, është larguar me automjet.
Si pasojë e të shtënave i plagosur ka mbetur edhe vëllai i autorit, 25-vjeçari Dali Nela. Autori Donald Nela, njihet edhe me pseudonimin “Tupja” dhe është person me precedentë penalë. “Tupja” është kontakti i fundit që pati Erald Muço, shoku i Aleksandër Sadikajt.
Sakaq, hetimet vijojnë në disa pista dhe autoritetet mbeten të rezervuara për detaje të mëtejshme, në pritje të zbardhjes së plotë të ngjarjes.
Marrë nga Dosja.al
