Eksperti i ekonomisë Eduart Gjokutaj, në një intervistë televizive, foli për situatën e inflacionit të importuar në Shqipëri dhe ndikimin e tij në ekonomi. Ai thekson disa pika kryesore se Shqipëria po ndjen efektet e rritjes së çmimeve që vijnë nga jashtë, sidomos në sektorët më të ndjeshëm ndaj furnizimeve ndërkombëtare.
“Ekonomia ka filluar të preket për arsyen e thjesht se ka elemente qe tashme ajo qe quhet importimi i inflacionit nga jashtë është transmetuar ne ekonominë shqiptare sidomos ne ato sektorë qe janë me vurnerabel karshi pjesëve të furnizimit. Nuk po flasim për shtimin e kostove për lendet e para por ato vijnë zinxhir.”– tha ai.
Gjokutaj i konsideron të drejta masat që janë marrë deri tani, por nënvizon se nuk mjaftojnë vetëm reagimet pas ngjarjes. Duhet një qasje më parandaluese. Sipas tij, nuk mjafton vetëm Ministria e Financave. Duhet një angazhim i vazhdueshëm dhe i përbashkët i të gjitha ministrive që lidhen me tregun dhe politikat ekonomike.
“Duhet një ndërhyrje e te gjithë elementeve, ne rastin e ndërhyrjeve qe janë bere aktualisht i konsideroj me vend por duhet te vene ne loje mekanizmat e monitorimit qe kane problematika sa i takon asaj se si qëndrojnë konsistente ne treg tatimeve apo doganave. Funksionojnë por vazhdon një qasje qe me shume funksionojnë pasi ndodh ngjarja se sa janë parandaluese. Kjo ka nevoje për një shtytje te vazhdueshme, jo vetëm nga Ministria e Financa por me te gjitha ministritë qe kane lidhje me tregun dhe me politikat ekonomike.”- vijoi ai.
Eduart Gjokutaj paralajmëron se ekonomia shqiptare është e ekspozuar ndaj krizave të jashtme dhe se duhen mekanizma më të fortë, për ta mbrojtur.
Marrë nga A2 CNN
