Tuneli i Llogorasë u hap për qarkullimin e mjeteve, paraditen e së premtes.
Me një ceremoni festive me këngë e valle, tuneli 5.9 kilometra i gjatë u përshkua nga mjetet e para që udhëtojnë drejt jugut.
Tuneli lidhet edhe me rrugën e re Orikum-Dukat, duke mundësuar që infrastruktura drejt jugut të vendit të shkurtojë distancën.
Hapja e tunelit do të bëhet me faza, fillimisht për makinat e pasagjerëve dhe autobusët, dhe jo për ato me tonazh të rëndë. Tuneli i Llogarasë nis nga ura e Shën Elizës, në zonën e Dukatit, deri në urën e Palasës, me një projekt prej 139.6 milionë eurosh.
