Arrestohen një numër i madh njerëzish, në protestat në Novi Sad

Hakmarrja e presidentit serb Aleksandar Vuçiç ndaj popullit të tij ka nisur. Tashmë policia pas një urdhri ka nisur arrestimin e shumë personave të cilët morën pjesë në protestën e madhe kundër qeverisë serbe.

Gjithçka nisi pas tragjedisë në Novi Sad. Aty, pas rënies së një pjese të stacionit të hekurudhave, mbetën të vdekur 14 persona, u lënduan edhe shumë të tjerë.

Protestuesit u mblodhën para selisë së SNS-së, partisë së Aleksandar Vuciqit dhe ngjyrosën posterët e tij me ngjyrë të kuqe që simbolizonte gjakun.

Ishte ky veprim i protestuesve që duket se e nervozoi presidentin serb. Ai dje kërcënoi ata që morën pjesë ne fushatë, me arrestim. Dhe kështu ndodhi.

Pjesëtarët e Policisë së Novi Sadit morën urdhër për aksion. Ata vec dje kanë arrestuar 14 persona gjatë dhe pas protestës në këtë qytet, ndërsa po punohet intensivisht për identifikimin dhe arrestimin e mëtejshëm të të gjithë pjesëmarrësve në dhunë.

Gjatë protestës për shkak të aksidentit në stacionin hekurudhor në Novi Sad ku 14 persona humbën jetën të premten, më 1 nëntor, pati dhunë dhe u shkatërrua prona, si dhe Bashkia, një gardh mbrojtës dhe kantieri i afërt i një nëntoke, janë dëmtuar garazhet etj.