Një ngjarje e pazakontë ka ndodhur pasditen e sotme në kishën “Ngjallja e Krishtit” në Ksamil, ku dy persona kanë shkatërruar disa objekte të shenjta brenda saj.
Incidenti u zbulua nga kujdestari i kishës, i cili ndërsa po përgatitej për të mbyllur objektin, vuri re dy persona të dyshimtë. Njëri prej tyre ndodhej brenda, duke dëmtuar ikonat, ndërsa tjetri qëndronte jashtë, duke vëzhguar.
Sapo u zbuluan, të dy agresorët u larguan me nxitim, duke kërcënuar kujdestarin. Ky i fundit lajmëroi menjëherë policinë, e cila ndërhyri me shpejtësi dhe i ndaloi dy të dyshuarit pranë një stacioni autobusi.
Policia po vijon hetimet për të zbardhur motivet e ngjarjes dhe për të përcaktuar dëmet e shkaktuara në kishë.
Marrë nga Newsbomb.al
