I dërguari presidencial i SHBA, Richard Grenell ka uruar Kosovën për 17-vjetorin e pavarësisë. Grenell shprehet se ky moment historik është lënë në hije nga një padrejtësi e rëndë.
Ai nënvizon se presidenti Hashim Thaçi duhet të festojë sot në Prishtinë dhe jo pas hekurave në Hagë. Grenell thekson se ky burg i padrejtë duhet të marrë fund.
“I uroj të gjithë miqve të mi në Kosovë një festë të gëzueshme dhe të sigurt në 17 vjetorin e pavarësisë së tyre. Megjithatë, ky moment historik është lënë në hije nga një padrejtësi e rëndë. Babai themelues i shtetësisë së Kosovës, presidenti Hashim Thaçi, duhet të festojë sot në Prishtinë – jo pas hekurave në Hagë.
Evropianët nuk kanë arritur të veprojnë kundër kësaj padrejtësie në 5 vitet e fundit. Dhe institucionet shtetërore të Kosovës kanë dështuar të ndërmarrin veprimet e nevojshme ligjore për t’i dhënë fund kësaj padrejtësie – për shkak të politikës. Ky burgim i padrejtë duhet të marrë fund”, shkruan Grenell në platformën X.
Marrë nga Faktor.al
