Së shpejti pritet të përballet me togat e zeza shtetasi Bujar Hudhri, që është njëkohësisht botues i Ismail Kadaresë si dhe Mirela Bardhi, që rezulton të jetë pronare e një librarie.
Mësohet se dyshja do të përballen në gjyq me njëri-tjetrin pasi nga të dyja palët janë ngritur akuzat për abuzim për të drejtën e autorit si dhe evazion fiskal.
Burimet për mediat bëjnë me dije se hetimet kanë nisur që në 2024 pasi familja e Hudhrit hodhi në gjyq Bardhin me pretendimin se kjo e fundit ka kopjuar librat e Ismail Kadaresë dhe i ka shitur si kopje origjinale. Për rrjedhojë, Hudhrika denoncuar pronaren e librarisë për evazion fiskal.
Në dosjen e siguruar nga gazetarja Anila Hoxha thuhet se ndaj Hudhrit rëndon akuza për veprën penale “Fshehje e të ardhurave”. Ndërsa ndaj Bardhit janë nisur hetimet për veprat penale “Shkelja e të drejtave të pronësisë industriale” dhe “Fshehja e te ardhurave “.
Më tej mësohet se janë sekuestruar librat e Ismail Kadaresë, për të kryer ekspertimin grafik.
Nga ekspertimi ka rezultuar se janë bërë disa ndryshime në grafikë, kapakë, diferencën e fletëve dhe ngjyrën e fletëve.
Sipas dosjes hetimore, 31 libra të Ismail Kadaresë mendohen të jenë të kopjuara në librarinë që menaxhon Mirela Bardhi, të cilat nuk janë origjinale por kjo e fundit i ka shitur si të tilla.
Referuar fletëdaljeve mnga shtëpia botuese Onufri për librarinë e Bardhit, mësohet se për këtë çështje është kontaktuar dhe drejtoria tatimore.
Marrë nga Newsbomb.al
