Sot, në Pallatin e Rinisë në Prishtinë, do të fillojë Festivali i Këngës së RTK-së, i cili do të transmetohet drejtpërdrejt në RTK.
Të gjitha përgatitjet për festivalin janë bërë. Gjithçka është gati, duke filluar nga skena madhështore në Festivalin e Këngës të Radiotelevizionit të Kosovës, konkurrentët, orkestra dhe stafi përgjegjës janë gati për Fest 2024.
Këngëtarja, Aurela Gaçe do të jetë e ftuar sonte në naten e parë të Festivalit të Këngës në RTK.
Në edicionin e dytë të Festivalit të Këngës të Radio Televizionit të Kosovës do të performojnë 16 artistë. Festivali do të zgjasë tri ditë, më 24, 25 dhe 26 tetor 2024.
