Qeveria e Giorgia Melonit, gjatë prezantimit të masave të buxhetit të ri të shtetit, njoftoi një rritje të taksimit të shumave që vijnë nga qiraja afatshkurtër e pasurive të paluajtshme, nga 21% në 26%.
Sekretari i Lidhjes dhe zëvendëskryeministri, Matteo Salvini, në deklaratat e tij sot në një transmetim të kanalit televiziv publik Rai Tre, nënvizoi megjithatë se “kjo masë nuk do të miratohet” dhe se “do të shfuqizohet menjëherë ose gjatë shqyrtimit të projektbuxhetit nga parlamenti”.
Sipas shifrave të fundit, këtë vit për qiranë afatshkurtër të pasurive të paluajtshme në Itali, deri më tani janë paguar qira që arrijnë në 8.2 miliardë euro. Rritja e taksimit mbi të ardhurat nga 21% në 26%, sipas llogaritjeve fillestare, do t’u kushtonte rreth 1,300 euro në vit familjeve që u japin me qira një pronë turistëve, për një periudhë deri në një muaj.
Marrë nga Mediaset.it
