Duke folur në Samitin e NATO-s në Uashington, kryeministri grek Kyriakos Mitsotakis nënvizoi nevojën për respektimin e Marrëveshjes së Prespës nga Maqedonia e Veriut.
Zbatimi i plotë i Marrëveshjes së Prespës, -theksoi kryeministri, është thelbësor për Aleancën, për Ballkanin Perëndimor dhe për komunitetin ndërkombëtar.
Shkelja ose zbatimi selektiv i Marrëveshjes së Prespës, vazhdoi ai, do të minonte besueshmërinë e të gjitha përpjekjeve për zgjidhjen e çështjeve të tjera të pazgjidhura në Ballkanin Perëndimor dhe do të rrezikonte stabilitetin dhe sigurinë në rajon.
“Pacta sunt servanda. Këtë duhet ta kujtojmë të gjithë”, theksoi ai. Greqia ka ngritur shqetësimin për shkeljen e Marrëveshjes së Prespës nga kryeministri i ri Mtskoski. Athina u referohet deklaratave të tij të fundit, ku ai i referohet vendit si “Maqedoni” dhe jo “Maqedonia e Veriut”, sikurse është përcaktimi kushtetues.
