Prezenca e OSBE/ODIHR në Shqipëri ka vlerësuar përpjekjet për përfshirjen e 30% të grave në Kuvend, duke e quajtur përparim për barazinë gjinore në vend.
Në reagim theksohet se mirëpresin përpjekjet aktuale ndërpartiake, të drejtuara nga gratë deputete, dhe shpresojnë që ndryshimet në Kodin Zgjedhor të garantojnë pozitën udhëheqëse të Shqipërisë në rajon e më gjerë në lidhje me përfaqësimin gjinor në parlament.
“Prezenca e OSBE-së në Shqipëri çmon përparimin e jashtëzakonshëm në fushën e barazisë gjinore që ka bërë Shqipëria gjatë viteve të fundit, veçanërisht për pjesëmarrjen dhe përfaqësimin e grave në jetën politike. Ne mirëpresim përpjekjet aktuale ndërpartiake, të drejtuara nga gratë deputete, dhe shpresojmë që ndryshimet në Kodin Zgjedhor të garantojnë pozitën udhëheqëse të Shqipërisë në rajon e më gjerë në lidhje me përfaqësimin gjinor në parlament”, thuhet në postim.
Ky reagim vjen pasi kryetarja e Parlamentit, Lindita Nikolla, ministrja Elisa Spiropali, deputetja e PS-së, Etilda Gjonaj, deputetet demokrate Albana Vokshi dhe Dhurata Çupi kanë kërkuar që edhe në pjesën e hapur të listës, të sigurohet që ? e atyre që do të shkojnë në Parlament të jenë gra.
