Presidenti i Guatemalës ka shpallur gjendje të jashtëzakonshme pasi gjatë fundjavës, anëtarët e bandave morën dhjetëra pengje në tre burgje dhe vranë të paktën shtatë oficerë policie në kryeqytet, në shenjë hakmarrjeje, pasi autoritetet rimorën kontrollin e objekteve ku të burgosurit kishin kryer trazira.
Presidenti Bernardo Arevalo lëshoi një urdhër 30 ditor, ditën e djeshme, sipas të cilit kufizohen liritë civile dhe oficerët e sigurisë përfitojnë të drejtën të arrestojnë ose të marrin në pyetje individë pa miratimin paraprak të gjykatës.
“Këto vrasje u kryen me qëllim terrorizimin e forcave të sigurisë dhe të popullsisë, në mënyrë që ne të dorëzohemi në luftën kundër bandave dhe regjimit të tyre të terrorit. Por ata do të dështojnë”, tha Arevalo në një fjalim mbarëkombëtar.
Marrë nga Newsbomb.al
