Kryeministri Edi Rama, gjatë një bashkëbisedimi me qytetarët në rubrikën e tij “Sy më Sy”, deklaroi se Shtetet e Bashkuara nuk kanë më asnjë rol në SPAK, duke nënvizuar se ky institucion është krijuar nga vullneti politik i Partisë Socialiste.
Ai theksoi se, ndryshe nga e kaluara, nuk ka më asnjë përfshirje të SHBA-së në mbështetjen apo asistencën për SPAK. Si argument për këtë, Rama përmendi mungesën e deklaratave të ambasadës amerikane në lidhje me qëndrimet e tij ndaj sistemit të drejtësisë, që në disa raste janë interpretuar si presion ndaj institucioneve të reja.
“Jemi përpara një fakti të thjeshtë, dua ata që insistojnë që këtu jemi të gjithë njësoj, janë të gjithë për burg. SPAK është një institucion i krijuar nga vullneti politik i PS. SPAK e solli Amerika, e mban Amerika, se është Amerika, Amerika nuk është më, i kishte njerëzit e vet që asistonin SPAK, shkonin, hynin e dilnin në mëngjes, nuk janë më, i ka tërhequr Amerika.
Keni dëgjuar ndonjë deklaratë të ambasadës amerikane për SPAK, për drejtësinë? Pati një deklaratë nga BE, unë ato që thashë i them prapë, bëhet fjalë për institucionet e reja që kanë 5 vjet dhe kanë nevojë edhe për kriticizëm konstruktiv. Këneta është e përbetuar nëpëmjet gojës së bufit vet, që do e shkrijë SPAK. Nëse do të isha dhe unë i interesuar, i trembur, i shqetësuar, kjo do ishte më e thjeshtë, një fishkëllime dhe a e di si vinte bufi? E sillte tmerri që ka nga SPAK.
SPAK është aty dhe do të jetë aty me mbështetjen e kësaj fuqie, të PS. Populli shqiptar kërkon që SPAK të jetë aty, të fuqizojë veten. Sot kemi provën e padiskutueshme të pavarësisë së SPAK. Por duhet edhe profesionalizmi dhe integriteti”, u shpreh Rama.
Marrë nga Newsbomb.al
