Kur u duk se u arrit një kompromis për zgjedhjen e presidentit të ri të Kosovës, ku Kurti e Abdixhiku ranë dakort për emrin e Bekim Sejdiut, ia beh Riçard Grenell, një ish-zyrtar i administratës amerikane për Ballkanin, një figurë kontraverse që luan gjithnjë keq me Kosovën.
Brenda LDK-së ka dalë një grup që nuk e duan sejdiun për president, që në fakt jo se nuk duan atë, por që po yshten ta mbajnë në krizë të vazhdueshme Kosovën
“Miku im Avdullah Hoti dhe kolegët e tij janë miq të mëdhenj të Amerikës”, shkruan Grenell, duke shfaqur imazhet e Avdullah Hotit, Hykmete Bajramit, Arben Gashit, Armend Zemajt, Kujtim Shalës dhe Janina Ymerit.
Avdullah Hoti, i rifaktorizuar tashmë nga Grenell, tha: “Nuk mund të mbështesim një kandidaturë vetëm për hir të një marrëveshjeje politike, nëse ajo nuk përfaqëson parimet, interesat dhe pritjet e elektoratit të LDK-së.”
Ndërsa më herët, Abdixhiku reagoi ashpër ndaj gjashtëshes së Grenell-it.
“Dje u refuzua zgjidhja e Presidentit të Kosovës. U refuzua votimi i kandidatit të propozuar nga LDK-ja dhe, me këtë refuzim, u përcaktua edhe fati i vendit, zgjedhje të reja. Dëm mund të bëjë çdokush”.
I gjithë ky zhvillim pasoi miratimin e emrit të Bekim Sejdiut për president.
Sipas një deklarate të lëshuar nga LDK-ja pas mbledhjes së mbajtur të martën, nominimi i Sejdiut është mbështetur “me unanimitet të plotë”.
“Asnjë qëndrim kundër, përkundrazi, pati lëvdata për gjithë punën dhe për integritetin akademik dhe profesional të zotëri Sejdiut. Kjo pastaj mbetet të shihet nga qëndrimet e grupit parlamentar.”
LDK-ja tha se nominimi i Sejdiut përfaqëson “qëndrimin zyrtar dhe institucional të LDK-së” dhe është bërë në përputhje me mandatin e dhënë nga Kuvendi i LDK-së.
Ish-presidentja dhe deputetja e Lidhjes Demokratike të Kosovës, Vjosa Osmani, mbështeti kandidaturën e Bekim Sejdiut për president, duke thënë se LDK-ja ka vendosur interesin e Kosovës para atij partiak.
“Kandidatura e Bekim Sejdiut i bën nder të gjithë Republikës së Kosovës. Jo vetëm që plotëson të gjitha kriteret për të cilat ne kemi vendosur unanimisht në mbledhjen e fundit të grupit parlamentar, jo vetëm që respekton vendimin e fundit të Kuvendit të LDK-së, por në të njëjtën kohë i jep Kosovës një mundësi për punë të rëndësishme në mbrojtjen e demokracisë.
Ne kemi bërë një kompromis duke vendosur gjithmonë interesin e Kosovës para çdo interesi individual apo partiak”, tha Osmani.
Masrrë nga Tesheshi.com
