Donald Trump, në intervistën e tij të parë si presidenti i 47-të, u shfaq në programin e Sean Hannity në Fox News, ku foli për kthimin e tij në Shtëpinë e Bardhë dhe kritikoi ashpër administratën Biden.
“Rikthimi im dëshmon se politikat dhe filozofitë e ‘të majtës radikale’ gjatë katër viteve të fundit janë të tmerrshme dhe mos punë,” deklaroi Trump. Ai shtoi se ndarja e dy mandateve të tij jo të njëpasnjëshme e bën këtë moment edhe më të veçantë. “Mendoj se arritëm në kohën e duhur,” tha ai.
Gjatë intervistës, Trump iu referua edhe faljeve të fundit të dhëna nga Presidenti Biden për anëtarët e familjes së tij. Duke e quajtur këtë veprim të paprecedent, Trump tha: “Ky djalosh shkoi duke i falur të gjithë… por nuk i fali vetes. Dhe, e dini, gjithçka kishte të bënte me të.”
I pyetur nëse Kongresi duhet të hetojë familjen Biden, Trump shmangu një përgjigje të drejtpërdrejtë, duke komentuar: “Shikoni, ai nuk ia fali vetes dhe nuk u fali disa njerëzve të tjerë që kishin nevojë.”
