Krybashkiaku i Tiranës, Erion Veliaj, ka reaguar nga burgu pas humbje së Vuçiç në zgjedhjet parlamentare të ditës së djeshme.
Më tej ai përgëzoi edhe shqiptarët në Serbi të cilët për herë të parë do të kenë dy mandate në parlamentin serb.
Urime studentëve për rrëzimin e makiavelistit dhe populistit të Beogradit!
Lëvizjet dhe protestat studentore nuk janë “fundi i botës”, por fundi i “një bote”. Sa më shpejt ta kuptojmë këtë si qytetarë e politikëbërës, aq më mirë do të dimë t’u përgjigjemi nevojave dhe pritshmërive të kësaj gjenerate.
Urime të përzemërta edhe shqiptarëve tanë në Serbi, të cilët, sipas projeksionit aktual, e rrisin përfaqësimin e tyre nga një në dy mandate. Një zë më i fortë për të drejtat e shqiptarëve në Serbi!
Marrë nga Top Channel
