Nga Artan Fuga
Komuniteti Bektashi të ketë status si Vatikani?
Po kjo nuk varet nga ne?
Ne mund të duam që të jetë ashtu. Por a kemi këllqe t’ja japim?
Se Vatikani ka statusin e vëshguesit a diçka e tillë në OKB, pra e vendos OKB.
Nuk e vendosim ne.
Ne mund të duam edhe të jemi arbitra konfliktin në Ukrainë, por kush na i var?
E kam thënë gjithmonë, shtrijmë këmbët sa kemi jorganin, vend super i vogël, se do hamë ca flakurina, që mos dimë ku të vemi!
Mos fryhemi kot duke jetuar në ëndër. Mos kujtojmë se jemi zgjuar dhe në fakt shohim ëndërr se jemi zgjuar!
Të sillemi si të vegjël, mos bëjmë garipin se nuk na e fishkëllen njeri.
Do na shqyejnë nga brekët, kofshët, do të na kafshojnë në prapanicë, do na shkulin flokët, po bëmë si të fortë.
T’i japi status OKB? Mirë do ishte, po kush të pyet se?
E keni studjuar apo jo gjeopolitikën e feve sot? Keni bërë ndonjë studim?
Ne nuk po çajmë t’i japim status Kosovës në OKB, tani kërkojmë gocën e priftit për grua!
Qetësohuni, qetësohuni se nuk dilet nga dështimi duke ndërmarrë një hap heroik aventuroz dhe që sjell një dështim edhe më të madh, pastaj një aventurë edhe më të madhe, dhe dështim edhe më të madh!
Sillemi si të vegjël, pa bërë zhurmë si miza te kali!
